2025-07-09
2025-06-15
2025-02-02
Donostiako manifestazioa (Otsailak 1)
Milaka pertsona mobilizatu dira Donostian osasun publikoaren alde.
Miles de personas se han manifestado en Donostia por una sanidad pública.
Argazkiak ikusteko klikatu irudian
Para ver las fotos haz clic en la imagen
2024-12-19
«Zerbitzu guztiak izango dituen klinika publikoa» aldarrikatu dute Asuncioneko langileek
Tolosako Asuncion klinikako enpresa batzordea eta ELA eta LAB sindikatuak Gasteizko Parlamentuan izan dira eta «zerbitzu guztiak izango dituen klinika publikoa» aldarrikatu dute, «Tolosaldearako kalitatezko osasun arreta bermatzeko».
 |
| Asuncion klinikako langileen ordezkariak, Gasteizko Legebiltzarraren aurrean. (LAB) |
Tolosako Asuncion Klinikako enpresa batzordeak eta LAB eta ELA
sindikatuetako ordezkariek agerraldia egin dute Gasteizko
Legebiltzarrean, Tolosalderako «guztiz publikoa izango den klinika»
aldarrikatzeko.
Ondoren azaldu dutenez, Asuncion klinikaren etorkizuna «jokoan» dagoela ikusita, «zerbitzu guztiak izango dituen klinika publikoa» beharrezkoa dela nabarmendu dute legebiltzarkideen aurrean, eskualderako «kalitatezko osasun arreta bermatzeko».
Horrekin batera, ospitale publikoa eraikitzen dutenean Asuncion klinikan lan egiten duten langileak subrogatuak izan daitezela eskatu dute.
Gasteizko Parlamentuan dauden alderdi politikoei horixe eskatu diete, «erabakiak zentzu horretan har ditzatela eta bultza egin dezatela norabide horretan».
«Langile publikoak gara»
«Tolosaldeko herritarren zerbitzura egongo den kalitatezko osasun arreta da behar duguna. Eta Asuncion klinikan dihardugun langileok, zerbitzu publiko bat eskaintzen ibili garen heinean, garbi dugu langile publikoak garela. Etorkizunean osasun arreta eskaintzen jarraituko dugunak gu gara eta honenbestez funtsezkoa da subrogazioaren bidez, 100% publikoa izango den zerbitzu horren parte gu ere izatea», adierazi dute.
2024-12-15
OSASUN SAILBURUAREKIN IZANDAKO BILERAREN BALORAZIOA
---------------------------------------
Erlazionatutako artikulua
Azaroan bildu zen TOPA Alberto Martinez osasun sailburu berriarekin; plataformako kideek begi onez ikusten dute bildu izana, baina «hutsetik hasi beharra» gaitzetsi dute.
2024-12-02
Jabi Arana Alberdi, eragile nekaezina
 |
| TOPAk 2022ko urtarrilean eskainitako prentsaurreko baten irudia. |
Medikua zen ogibidez eta Tolosaldea Osasun Publikoaren Alde plataformako kidea. Atzo hil zen 72 urte zituela.
Jabi Arana Alberdi hil zen atzo, hilak 1, 72 urte zituela. Ezaguna zen oso eskualdean, izan ere, eragile nekaezina zen. TOPA plataformako elkarretaratze, prentsaurreko eta deialdi guztietan egoten zen, eta osasungintza publikoko langilea izaki, kalitatezko osasungintza publikoaren aldeko borrokan aritu zen buru-belarri, heriotzak eraman duen arte.
2011. urtean eskualdeko hainbat eragilek sortu zuten TOPA eta Jabi Arana bertan aritu da jo eta su.
28 urtez Tolosako Amarotz auzoko familia medikua izan zen. eta 2020an, erretiroa hartzera zihoala, auzotarren omenaldia jaso zuen.
Auzotarrek txalo artean hartu zuten bertara iritsi zenean, eta ondoren agurra dantzatu zioten, bertsoa kantatzen zioten bitartean: Jabi, aritu zarenez /gurekin buru eta bihotz / guztiz eskertuta gaude/amaroztarrak ta Amarotz.
Amaroztarrek orduan eskertu zioten auzoaren alde egindako lana, eta ziur eskualdeak ere eskertuko diola osasungintza publikoaren alde egindako guztia. Ez baita gutxi izan.
----------------
ERLAZIONATUTAKOAK
- Rebeka Uberak Eusko Legebiltzarrean Jabiri egindako omenaldia
Jabi Arana ospitalea (Martxelo Otamendik berrian)
2024-10-25
OSASUN SAILBURUAREN ADIERAZPENAK ETA TOLOSALDEAK BIZI DUEN ERREALITATEA
OSASUN SAILBURUAREN ADIERAZPENAK
ETA TOLOSALDEAK BIZI DUEN ERREALITATEA
- «Ekipo berria behar genuen, hausnarketa tresna berriak izango dituena, beste ikuskera bat, beste begirada batekin hurbildu behar dugu errealitatera, aurreko erabakiek kutsatu gabe».
TOLOSALDERA BEGIRAKO ERABAKIEK AURREKO SAILEK HARTUTAKO ERABAKIEKIN KUTSATUTA JARRAITZEN DUTE
- «Oraingo ekipoak profesionalei entzuten die, baketu egiten ditu gatazkak, konponbide partekatuen bila ibiltzen da, eta, azkenean, pazientearentzat onenak diren erabakiak hartzen ditu».
TOLOSALDEKO GATAZKAK 13 URTE DARAMATZA KONPONDU GABE, ETA HARTUTAKO ERABAKIETAN EZ ZAIO ENTZUN EZ PAZIENTEARI, EZ HERRITARRARI
- «Arazo bat konpontzeko modua hura egon badagoela onartzea da».
Suscribirse a:
Entradas (Atom)