Tolosako Trianguloan elkarretaratzea egin du TOPAk eta eskualdean herritarrek jasotzen duten osasun arreta "eskasa" dela iritzita, egoera gehiago ez luzatzeko eskatu dute. Osasun publikoaren aldarriarekin bete dute plaza.
Herritar ugari bildu dira goizean Tolosako Trianguloan TOPA plataformak deitutako elkarretaratzera. Azkeneko hilabeteotan gauzatu duten kanpainari amaiera eman eta ikasturte amaierako mobilizazioa izan da eguerdian egin dutena. Eskualdean herritarrek jasotzen duten osasun arreta, beste eskualdeetako herritarrek jasotzen dutenaren parekoa ez dela uste du plataformak, eta horregatik, eskualdeak merezi duen arreta eskatu du kontzentrazioan: "Kalitatezko osasun publikoa nahi dugu, orain".
.jpg)
