"Pozik gaude baina oraindik interes politiko eta ekonomiko asko daude ospitale publikoaren atzean"

 ataria.eus

 

Jabi Arana TOPAko kidea da. Larunbatean berriro kalera irten ziren, eta horren arrazoia Ataria Irratian azaldu du tolosarrak.

Entzun elkarrizketa

-------------------------------------

«Garrantzitsuena zerbitzuak dira»

ataria.eus

Osasun publikoaren alde egindako manifestazio bateko artxiboko irudia

Eskualderako ospitale publikoa egingo dela esan dute agintariek, baina TOPA koordinakundearen lana ez dela bukatu esan du Jabi Arana taldeko kideak.

Pentsa liteke Tolosaldea Osasun Publikoaren Alde Koordinakundeko kideak pozik eta lasai daudela Eusko Jaurlaritzako Osasun Sailak ospitale publikoa egingo duela baieztatu duelako. Baina ez da guztiz horrela.

10 urte dira Tolosalderako gainontzeko eskualdeek dute osasun zerbitzu publiko bera eskatzen dutela, eta iragarpenak iragarpen, horrela jarraitu behar dutela dio Jabi Arana taldeko kideak. «Erne egon behar gara, ospitalea noiz eta non egingo duten ari dira argitzen, garrantzitsua da noski, baina ez garrantzitsuena. Garrantzitsuena zerbitzuak dira; bertan eskainiko dituzten zerbitzuak behar bestekoak izan behar dira, beste eskualdeek dituzten berberak», esan du. Koordinakundeak zalantzak ditu eta horregatik kalean jarraitzen du, 10 urte hauetan bezala, jendea informatzen eta galderak azaleratzen.

Gotzone Sagarduik etorkizuneko ospitalearen kokagunea bisitatu du

Tolosaldeko Ataria

Iruña etorbideko kamioien aparkalekuan izan da Osasun sailburua, Tolosako alkatearekin eta udal zinegotziekin batera; lehen eskutik ezagutu du etorkizuneko ospitalearen kokagunea.

Etorkizunean eskualdeko ospitalearen kokagunea izango den eremua bisitatu du, gaur, Gotzone Sagardui Osasun sailburuak; Olatz Peon Tolosako alkatea, Tolosako Udaleko hainbat zinegotzi eta Osasun Saileko hainbat ordezkari izan dira eskualdeko ospitalea eraikiko den eremuan, Iruña etorbideko kamioien aparkalekuan alegia. "Elkarrekin eta lehen eskutik gunea ezagutzeko aukera izan dugu", adierazi du Peonek.

Alkateak balioan jarri nahi izan du orain ematen ari diren urratsak "oso garrantzitsuak" direla, eta guztiak "elkarlanean" ematen ari direla. Kokagune onena erabakitzeko azterketaren ondorioen berri eman zuten pasa den astean. Gaur, berriz, beste aurrerapauso bat emango dutela aurreratu du: "HAPO-ren azterketa martxan jarriko dugu".

Sagarduik, bestetik, gaurkoarekin "urrats handia" eman dutela aitortu du. "Lekurik egokiena ezagutu dugu, eta orain tramite guztiak burutzen hasiko gara”. Une honetan, Osasun Saila eta Osakidetza zentro berriaren hornidura zehazteko plan funtzionala garatzen ari dira, inguruko biztanleei asistentzia sanitarioa hobetzen jarraitzeko. ”Laster, Tolosaldearentzat hain garrantzitsua den proiektua bermatuko dugu. Plan funtzional horren arabera erabakiko da ospitalea nola eraikiko den, zein itxura izango duen eta nola banatuko diren bertako espazioak. Horretarako, urtea bukatu aurretik jarri nahi dugu martxan lizitazioa".

Asuncion klinikaren egoerari buruz galdetuta, sailburuak adierazi du osasun publikoak eta osasun pribatuak "bermatzen dutela" osasun sistema EAEn, eta beraz, "guztiontzako eremuak izango ditugu proiektu honi esker". Asteazkenean, halaber, bilera izango du Tolosaldeko Alkateen Mugimenduko kideekin. "Alkateek eta sailburuek izaten ditugun bileratan bezala, elkarren ideiak eta iritziak partekatu. Beraien sentipenak eta nahiak helaraziko dizkidatelakoan nago, eta nik pozez entzungo diet".

Bisitaren aurretik, sailburuak eta alkateak bilera egin dute udaletxean, zentro berria egiteko konpromisoa berresteko eta zonaldeko asistentzia-zerbitzua hobetzeko hurrengo urratsak zehazteko. Horrez gain, udalerrian Osakidetzaren etorkizuneko ospitalea gauzatzeko lankidetzan jarraitzeko konpromisoa berretsi dute.

___________________________________________

Erlazionatutako artikuluak

• "Urte bukaera aurretik lizitazioa martxan egotea espero dugu" (Tolosaldeko Ataria)
• "Gotzone Sagardui sailburuarekin egin dugun bilerak gazitik gehiago izan du" (Tolosaldeko Ataria)
• Osasun ereduaren inguruan egin duten lanketa irakurtzeko eskatu diote Sagarduiri (Tolosaldeko Ataria)
• Ospitalea kokatzeko aukeratutako lursaila egokiena izatea espero dute alkate sozialistek (Tolosaldeko Ataria)
• "Eusko Jaurlaritzak kontuan hartu beharko du datozen urteetan premiek izan dezaketen bilakaera" (Tolosaldeko Ataria)

Suhiltzaileen pareko aparkalekua lehenetsi da ospitale publikoa kokatzeko

Tolosaldeko Ataria

Tolosako Udalak ospitale publikoaren kokagunerako azterketa amaitu du, eta Iruña etorbidean dagoen kamioien aparkalekua dela egokiena ondorioztatu du. Bizilagunekiko eragina, lurraren jabetza eta mugikortasuna nabarmendu dituzte kontuan hartutako irizpideen artean.

Tolosako suhiltzaileen parke pareko kamioien aparkalekua. Iruña etorbideko eremu hori lehenetsi du Tolosako Udalak, Tolosaldeko ospitale publiko berrirako kokagunearen azterketa amaitu ondoren. Olatz Peon Tolosako alkateak gogoratu du 2020ko azaroan abiatu zutela ospitale publikoa Tolosan eraikitzeko kokalekuaren azterketa. «Azterketa horrek bi fase izan ditu, eta azken faseak lau eremu lehenesten zituen. Orain arte bezala, erabakia herritar guztiekin partekatu nahi dugu». Zuzenean inplikatuak izan daitezkeen auzotarrekin eta Eusko Jaurlaritzarekin ere harremanetan egon direla adierazi du, azterketaren eta bere ondorioen berri emateko.

Jaurlaritzako ordezkariak azken fasean izandako lau eremuak ikustera ere etorri direla azaldu du alkateak, eta bilerak egin dituztela udal teknikariek bertako teknikariekin jaurlaritzan, «koordinazioa erabatekoa izateko». «Udalaren eta tokikoaren ikuspuntutik eremuaren egokitasuna mahai gainean jarri dugu, eta jaurlaritzak, Osasun saileko ikuspuntutik, bere irizpideak jarri ditu mahai gainean».

Ospitale publikoa Tolosan

Olatz Peon Ormazabal, Tolosako alkatea 2021-05-11 (TOLOSALDEKO ATARIA)

Tolosarrei emandako hitza beteaz, hilabeteak daramatzagu lanean eta urrats sendoak egin ditugu azkenaldian, eskumena duen erakundearekin, Eusko Jaurlaritzarekin, elkarlanean Tolosako eta eskualdeko beharretara egokitutako ospitale publikoa eraikitzeko. Horixe baita gure konpromisoa eta apustua.

Lehentasun eta helburua da ospitale berria Tolosan kokatzea; eskualde-buru izateaz gain, duela urte batzuetatik hona eskualdeko ospitalea ere gurean kokatuta egon delako, eta beraz, zentzuzkoena litzateke ospitale berria Tolosan kokatzea, biztanle gehien dituen herriari zein eskualde osoari zerbitzua emateko, Tolosak Tolosaldeari beste hainbat alorretan eskainitako zerbitzuen sorta osatuz: Lanbide Heziketa, adineko pertsonen zerbitzu eskaintza, epaitegiak, ogasuna, suhiltzaileak...

Osasun Publikoa Aurrera reivindica un "tejido sociosanitario cien por cien público, de calidad y universal" ante el "debilitamiento" de los servicios públicos

La plataforma denuncia que los problemas estructurales, que se han manifestado por las consecuencias de la pandemia, vienen de antes

el diario.es

Representantes de la plataforma Osasun Publikoa Aurrera durante la presentación en la Plaza de España. elDiario.es/Euskadi

Alazne Aldayturriaga

10 de mayo de 2021

Osasun Publikoa Aurrera, formada por trabajadores y usuarios de los servicios públicos, ha presentado este lunes en Vitoria la plataforma con la que quieren reclamar un "tejido sociosanitario cien por cien público, de calidad y universal". Los trabajadores y usuarios han denunciado que "ya antes de la pandemia" se observaban las consecuencias de los recortes "derivados de la anterior crisis". Por ello, llaman a la ciudadanía a unirse a la manifestación del próximo día 22 de mayo que partirá desde la Plaza Bilbao para exigir a las instituciones públicas un cambio en la gestión de los recursos "dirigidos a cuidar la salud y el bienestar de los y las alavesas".

Una reflexión para aprender de los errores y encarar mejor el futuro

naiz.eus

Seis de los 44 profesionales de los ámbitos de sanidad, economía, justicia, medios de comunicación y educación que han participado en la elaboración del “Libro Blanco de la Covid-19” asistieron ayer a su presentación en Bilbo. Se trata de un trabajo que, quince meses después de que el coronavirus cambiase radicalmente nuestras vidas, con más de 5.000 personas fallecidas y 20.000 hospitalizadas en Hego Euskal Herria, presenta un análisis multidisciplinar e independiente al que acompañan además 175 propuestas para encarar el reto a partir de ahora.

«Ospitale berria suhiltzaile etxearen aurrean kokatzeko jakinarazpena jaso du Tolosako Udalak»

Tolosaldeko Ataria

Tolosako EH Bilduk jakinarazi duenez, Osakidetzako Zuzendari Nagusiaren oharra jaso du udalak, ospitale berriaren kokapen egokiena adieraziz. «Egoki» ikusten dute, «betiere, zehazten zaizkion baldintzak betetzen baditu».

Azaroan, eskualdeko ospitalea eraikitzeko 13 kokaleku posible zehaztu zituen Tolosako udal gobernuak abiatutako azterketak. Urtarrilean, azterketa hori gehiago zehaztearen ondorioz, lau kokaleku egokienak definitu ziren. «Hortik, bigarren azterketa bat burutu behar zuela iragarri zuen Tolosako Udalak, kokaleku egokiena definitu asmoz», adierazi du Andu Martinez de Rituerto Tolosako EH Bilduko ordezkariak.

Tolosako alderdi politikotik adierazi dutenez, «azken berrien arabera eta gure harridurarako, martxoaren 24an, Osakidetzako Zuzendari Nagusiaren jakinarazpena jaso zuen Tolosako Udalak, ospitale berriarentzako kokapen egokiena Iruñea hiribideko aparkalekua (suhiltzaile etxearen aurrean eta Iurreamendi zaharren egoitzaren azpian dagoena) dela komunikatzeko. Lur zatiaren irisgarritasuna bikaina dela azpimarratzen zuten, bestelako irizpideak, hala nola, lurzoruaren problematikak, hirigintzako kudeaketa, aparkaleku aukerak eta bideragarritasun ekonomikoa, alde batera utzita».

Kontzentrazioa (apirilak 24 larunbata)

 

Irakurritako testua / Texto leído

----------------------------------------

Erlazionatutako artikuluak:

• "Gardentasuna" eta "benetako parte hartzea" eskatu ditu TOPAk (ataria.eus)

• TOPAk ere parte hartuko du Tolosaldeko 25 alkateen lan mahaian (28kanala)

 

Anoetako hitzaldia (TOPA)

Adostasunik gabe ez dela posible kalitatezko osasun publikoa bermatzea uste du EH Bilduk

Tolosaldeko Ataria

EH Bilduk Tolosaldeko Alkateen Mugimenduari babesa adierazi dio, eta Osasun sailari eskualdeko eskariak aintzat har ditzala eskatu dio.

EH Bilduk esan du erabat babesten duela Tolosaldeko Alkateen Mugimendua, eta ekimenaren helburuekin bat datorrela. «Eskualdean osasungintza publikoaren arloan dagoen hutsunea betetzeko helburua ezarri dio mugimenduak bere buruari, eta bertan, aktiboki ari dira parte hartzen gure alkateak», esan du Gurutze Etxezabal EH Bilduren Tolosaldeko arduradunak.

Osasunaren Nazioarteko Egunaren harira, Tolosako anbulatorioan egin duten agerraldian, Etxezabalek beharrezkotzat jo du osasungintzaren eredua zehaztu eta adostasunak lortzea: «Tolosaldearen beharrak zeintzuk diren aztertu eta balizko ospitale horren egitura zehaztu behar da. Era berean, Asuncion ospitaleko langileekin zer gertatuko den jakiteko, adostasunak bilatu beharko dira langileen ordezkariekin eta komitearekin. Eta gauza bera egin beharko da ospitalearen kokalekuarekin ere».